PROSTYLA Aedes

PROSTYLA Aedes

apud Vitruvium, l. 3. c. 1. Graece Πρόςτυλος, dicebatur ea, quae contra Antas duas columnas angulares habuit, et supra Epistylia, et dextra ac sinistra in versuris singulas. Α᾿μφιπρόςτυλος vero, quae in postico ad eundem modum columnas et fastigium habebat, ut in fronte seu pronao. Cum Templum in Antis diceretur, quod antas haberet in pronao, seu cuius πρόναος antas tantum habebat in fine parietum, qui cellam aedis circumcludebant et in medio antarum duas columnas supraque fastigium. Quam in rem videplura apud Salmas. ad Solin. p. 1216. et seqq.